《兄弟大茶飯》黃腔去到盡　蕭正楠請姚子羚食大鵰*

今個星期一首播嘅最新TVB節目《兄弟大茶飯》，由曹永廉與蕭正楠做主持，好默契嘅兩人瘋狂踩線互窒開黃腔，抵死搞笑嘅主持風格獲得觀眾好評！人緣好嘅阿廉阿蕭今次會為唔同劇組親自下廚，慰勞吓一眾台前幕後嘅工作人員。喺第三集蕭正楠就索性踩上橫店，探訪拍緊劇嘅胡定欣、姚子羚同曹永廉，但阿蕭煮咩搞到放埋條「大鵰」落煲飯咁大犧牲！
Cap嚟見我
《兄弟大茶飯》蕭正楠原來都煮得兩手節目《兄弟大茶飯》就以兩主持親自下廚、以誠意慰勞一眾勞苦功高的台前幕後工作人員為賣點。得悉曹永廉身處橫店拍攝《包青天再起風雲》，今次蕭正楠就帶埋余思霆與多個電飯煲踩上橫店，實行為劇組炮製一餐思鄉飯煲餐！平時蕭正楠喺《美女廚房》寸人就叻，但原來佢又真係煮得兩手好餸咁喎！
都真係有模有樣啊！仲識拋鑊，呃得吓人喎！阿廉都夠唔話得，拍劇空檔著住古裝都仲要走去煮大餐！都真係幾多餸，唔Hea㗎！視后都照串 阿廉笑胡定欣係阿婆兩人煮好飯就開檔招呼一眾劇組朋友嚟開餐啦！為咗俾個驚喜好朋友，阿廉仲親自扶住閉哂眼嘅胡定欣去檔口，不過把口就唔收，寸胡定欣係阿婆！之後仲話定欣老，要補充骨膠原！

蕭正楠同余思霆就喺一邊笑住食花生啦！ 胡定欣叉哂腰咁，真係冇佢咁好氣啊！不過都睇得佢哋幾個都真係幾老友先敢咁講笑嘅！

蕭正楠串曹永廉拍劇為錢冇理想食到一半，蕭正楠講起上嚟橫店煮大餐都唔容易，曹永廉就當然要寸吓佢話蕭正楠都有收演出費㗎嘛！但蕭正楠就串番曹永廉話佢拍劇為錢冇理想啊！年輕人，係咩驅使你啊？

係愛啊？定係責任啊？係窮啊！
蕭正楠炮製大鵰飯！呢個餸就勁啦，大家估下係咩名堂？
姚子羚就覺得似大鵰⋯⋯答案係橫店版「雜菌意大利飯」！胡定欣就笑係咪跟阿廉Size整，蕭正楠就寸話唔知姚子羚食開咩size啦！
姚子羚都開口反擊姚子羚最後都忍唔住話阿廉口臭，但其實佢都係感動嘅！
 2017年奪「最受歡迎電視拍檔」阿蕭阿廉不嬲Friend底，上年《萬千星輝頒獎典禮2017》中，兩人及何廣沛憑《超時空男臣》齊齊攞咗「最受歡迎電視拍檔」獎！

膠通消息來源：東方新地 、節目截圖

喜歡這篇嗎？快分享吧！

前一頁 後一頁