公屋妹誓要到酒店接新娘　巴打：咁去大排擋擺酒囉*

結婚係人生大事，尤其對女仔。最近有連登巴打準備結婚，係呢個咁喜興嘅日子，佢同未婚妻對接新娘突然有分歧，皆因住公屋的女友要求於酒店接新娘，結果男方唔知點算好，於是上網向廣大網友求救！
閱讀全文
該名網民在連登討論區以「女朋友住公屋，堅持第時結婚要係酒店接新娘」為題發帖，他指女朋友住公屋，因為「覺得係公屋接新娘好肉酸」，所以提出於5星級酒店接新娘，但樓主就認為5星級酒店都唔平，因希望可以集思廣益，於是問各位網民「點算好？」


結果帖文一出，隨即引來不少網民熱烈討論！

有網友就叫樓主喺酒店接完新娘後於大排檔擺酒，咁就唔會令開支增多，同時亦可滿足到女友要求。另外，亦有網友覺得公屋接新娘的確幾肉酸。

其他網友紛紛拋出自己意見，有人撐新娘諗法，認為人生大事當然想好睇啲。

但亦有網友話樓主如果連幾千蚊嘅酒店戶錢都俾唔到，樓主就應該認真諗下係咪適合結婚。

其實，正所謂錢解決到嘅問題，就唔係問題。結婚，一生人一次，認真都唔差個小小錢。最後，希望樓主可以同女友順利解決問題啦，無謂辦個喜事變分手吖～

老實講，好多情侶都試過鬧分手，鬧分手係易，但有無諗過之後先想復合，又未必咁易喇！好似呢對福建情侶拍咗拖已經七年，女方向男友講過想30歲前結婚，點知男朋友狠心拒絕，最後仲搞到分手收場。

點知分手兩個月就後悔，諗住同女方求婚，點知女方即時拒絕分手男。

本來呢場求婚應該好浪漫，只係差女方一句應承，點知女方一啲喜悅都冇，仲要同朋友離開現場，狠狠拒絕分手男嘅求婚。圍觀的人覺得女方好狠心、好絕情，不過又有幾多人知女方嘅絕望。

唔少網民紛紛討論：「看妹子的表情已經沒有任何留戀了」、「在一個女孩想跟你結婚的時候男孩卻退縮了，等男孩想起來有這麼一個女孩的時候，時過境遷，那個心已經不在了」、「女孩內心：當我是什麼啊 不想結就不結 想結就結」、「轉身那一瞬間，真的帥炸了」。

喜歡這篇嗎？快分享吧！

前一頁 後一頁