呢個下屬24小時On Call終爆Seed　出怪招搞到上司淆底唔敢炒佢*

出黎做嘢耐咗經常聽到人講，話自己上司剝削自己休息時間，唔單止要OT，甚至要24小時On Call！但唔少人為咗兩餐，又邊有計！點知呢位巴打竟然咁大膽對住上司爆Seed！
閱讀全文

有網民分享自己公司近況，佢表示公司黎咗班啱啱FG（fresh graduate）出黎做嘢嘅培訓生，其中一位男培訓生就被派到同自己同Team。網民仲暗串公司嘅培訓生係「皇馬」球迷。因為佢地身份就好似古代啲皇親國戚咁，如同身穿「黃馬褂」喎！
 

點解？原來老闆以培訓生為名，用最底工資請班人返黎做嘢為實，達到節省成本嘅效果。老闆歡喜時，一眾主管級就鬼咁愁！原因係，「除咗老佛爺（老闆），邊個都唔敢打佢地（炒培訓生）！」

話說呢間公司嘅老闆被同事稱之為「佛系老闆」，唔係因為佢對員工嘅工作抱住「佛系」嘅心態，而係佢不停加大員工工作量同時，對於加大員工嘅薪金抱住「佛系」嘅中指！Sor，係宗旨！更不時會同班員工講「唔計較，唔抱怨，緣份黎到人工自然會加！」所以員工流失率高。

網民就認為呢個男培訓生可算係非常唔好彩，唔單止入咗公司人手最少，偏偏又最多嘢做嘅部門。而最慘嘅係要應付一個「極品」上司！


正當大家都認為呢名男培訓生新入職，就入黎呢間公司做，工作量應該會好快頂唔住，再加上有個極品上司經常會係你工作以外嘅私人時間「打電話叫你痾夜尿」，仲要24小時OnCall！誰不知，男培訓生短短工作未夠一個月，竟然爆Seed，仲出奇招對付呢位極品上司。

返工初期都係遲到幾分鐘，之後因為頂唔順個上司，實行日日返工都遲政策，最多遲到一個鐘。（圖片來源：爆廢公社）
呢位網民表示，其實全公司暗地裡都知培訓生有「潛規則」，未夠一個月就連班培訓生都已經知道自己身穿「黃馬褂」！面對極品上司打擾自己私人時間，呢個新入職嘅男培訓生竟然黎個連續遲到4日回應上司，同時吸引人事部注意。

事件鬧到上人事部之後，個男培訓生當眾爆Seed 表示：遲到原因，都係怪個上司夜媽媽打黎滋擾我休息！

極品上司被當眾指責，又唔炒得佢！網民表示：「人事部直屬老闆，呢單嘢傳到老闆耳中，今次佢仲唔死？」個男培訓生呢個舉動令公司唔少同事都表示「真係大快人心。」

今時今日，做到隻積咁嘅樣，都係夠生存咋！唔係為錢，邊個願啊～

喜歡這篇嗎？快分享吧！

前一頁 後一頁