泰國少年足球隊有救？　Tesla總裁有計打造充氣水底隧道 | 突發 | 膠Hub*

唔知大家前排有冇睇新聞，泰國有一班後生仔因為去當地國家公園洞穴度探險，但因為暴雨被困係洞入面。為咗救出泰國少年足球隊，各界都諗盡辦法，引黎全球高度關注，雖然泰國政府已展開拯救行動，但就連Tesla嘅總裁都有關注呢件事，而且仲好認真咁提供意見。大家有覺得呢個建議可唔可行呢？
閱讀全文

話說泰國少年足球隊員就係6月23日下午由教練帶領下，去到睡美人山洞探險後失蹤。而兩名英國洞穴救援專家就係7月2日嘅洞入面深處潛泳發現佢地。而當時他們已經係洞入面困左長達9天5小時41分15秒。


12名少年足球隊同一名教練被困係清萊府山洞受到洪水圍困，所以救援行動更加困難。而美國太空探索技術公司（SpaceX）和特斯拉（Tesla）行政總裁馬斯克（Elon Musk）都出到聲願意出手相助，真係一方有難，八方支援！

當傳媒報道泰國少年足球隊受困嘅事件後，有網民就係Twitter度向Elon Musk發問，希望佢可以幫下手，救救呢班受困者。估唔到Elon Musk就係周四（5日）回覆網民，就話：「我估泰國政府已經掌控狀況，但如果有辦法去救佢們嘅話，我係樂意幫忙嘅。」


Elon Musk真係誠意十足，就話佢旗下嘅Boring Company，掌握先進嘅定位技術，可以深入咁進行地下定位，而公司都善於開鑿洞穴，認為能夠協助搜救隊。佢又話，唔知道係咪搜救隊係抽走洪水時遇到困難，如果遇到有關電力嘅問題，佢都好樂意提供特斯拉公司嘅重型電池組，加快抽水速度。

Elon Musk之後係周五（6日）又諗咗一條橋！就話可以嘗試將幾條可以充氣、直徑可達1米嘅尼龍管道放係洞穴入面，再充氣，就好似「充氣城堡」，而呢條水底嘅充氣隧道，就可以騰出空間黎協助受困嘅後生仔離開。

為咗呢件事，Elon Musk真係又願意出錢又出力！佢嘅代表已開始與泰國官員接觸。佢仲話旗下公司嘅幾名工程師會係周六（7日）直接到泰國，睇下有咩可以幫下手！

（綜合報道）

喜歡這篇嗎？快分享吧！

前一頁 後一頁