返工受挫出潮文求同情　連登仔：I Know That Feel! | 扮工室 | 膠Hub*

而家個社會，好多人都好重視外表，除咗搵男女朋友，其實搵工做嘢都係㗎喎！今次有位巴打就喺連登度出Post「生得靚仔真係好L緊要」，話自己喺新工俾人差別待遇喎。咁究竟佢係靚仔定唔靚仔呢？
閱讀全文
事情是咁的，有位巴打就轉新工，佢就話自己雖然生得高，但外表就唔討好。咁啱有位同期入職嘅巴打就矮過佢，但青靚白淨。咁就出事了！

內文如下：
我身高178，有操開都有小小肌肉，但自問生得樣衰，最近轉新工，同我同一日有個新人一齊入職，條矮撚比盡應該得171高，但青靚白淨，鼻高眼大，但諗住返工姐，講辦事能力，個樣應該唔關事
屌那星，點知大家都係做同一樣嘢，佢唔識做錯嘢就比幾個女同事輪流細心教佢做嘢，做錯嘢就有其他人幫佢執屎做埋佢個份，個個笑住咁教佢，我做錯嘢又或者唔識做就比人閪口閪面，雖然都有人教返我做，但個樣就好唔情願好唔耐煩咁，眼神對望個下佢即刻避開我，屌生得樣衰有罪咩
雖然食晏都會一齊食，都有同我傾下計，但個靚仔就不停比其他女同事撩，我就講得兩，三句，我全程好撚葡萄咁睇住佢比人撩，最後我得個肥婆同個呀叔撩我吹水，但個肥婆都好似想同個靚仔傾計，但佢應該有 自知之明，知道唔夠其他女同事鬥自動收皮 i know that feel
放工做唔晒啲嘢個靚仔有女同事幫佢做埋，我就比人叫我留返聽日做
諗落啲同事對我同佢待遇真係好大對比，唯一慶幸大老闆都算一視同人，仲讚我幾有心機學嘢，我知道唔葡萄得咁多，但班女人好似未見過靚仔咁純粹呻下

肥仔黎都好明白㗎，唔知啲巴打又點講呢？

係呢，你都肥婆肥婆咁叫人啦，咁好明顯，你都用咗外表幫人去區分！


肥仔黎見到靚女，都會對佢好啲！


有巴打就拎咗啲研究出嚟安慰樓主，仲話呢個差別待遇只限頭3個星期，如果嗰位靚仔冇能力，佢遲早都出事！

肥仔黎都有個靚仔Fd㗎，佢次次同我出去都有人撩，係肥仔黎先冇啫！

喜歡這篇嗎？快分享吧！

前一頁 後一頁