傳Angelababy不甘小海綿被偷拍　大支嘢叫助手搶途人手機？*

Angelababy同老公黃曉明一向對兒子「小海綿」非常保護，刻意唔俾佢個樣見人，不過無論點避都好，又點避得過狗仔隊嘅鏡頭？「小海綿」嘅正面相早就曝光了！雖然如此，都阻唔到Baby兩公婆繼續對兒子嘅採取高度保護嘅隔離政策！

Cap嚟見我
有大陸網民喺微博分享咗幾張喺餐廳偶遇Angelababy嘅相片，並轉述朋友嘅遭遇，佢話當時Angelababy帶埋「小海綿」喺上海一間親子餐廳開餐，期間小海綿一直大吵大鬧，引起其他食客注意，點知Angelababy惡人先告狀，老屈其他食客偷影佢個仔，並且由餐廳員工「做醜人」揪出所謂嘅偷拍者，而Baby助手更搶奪其他客人嘅手機，逐一檢查，仲威脅如果有今次事件嘅相片影片流出，一定會算帳！嘩！真係好大支嘢喎！

不過Angelababy旗下嘅「楊穎工作室」就否認其事，話當時只係餐廳職員好心提醒Baby，話有其他食客正在偷拍佢同兒子，所以Baby身邊嘅工作人員就禮貌地向食客表示希望對方唔好喺網上發佈「小海綿」嘅照片，更加冇發生過所謂嘅搶奪、沒收手機的事件。

有自稱當時喺現場目擊事件嘅網民都出面幫Baby澄清，話「小海綿」全程都好乖，反而有其他食客向Baby要求合照，而佢都爽快答應，仲專登除低口罩，nice到不得了喎！而Baby嘅粉絲都紛紛出嚟護主，話母親保護兒子係天經地義！究竟呢單嘢嘅真相係點？真係羅生門！

其實「小海綿」嘅正面樣一早就曝光咗啦！


無論點避都好，又點避得過狗仔隊嘅鏡頭？


網民都話「小海綿」根本就係copy返爸爸黃曉明細個嘅樣！


反而就唔係好似媽咪Angelababy喎！


 
Cap by：ETtoday星光雲、網上圖片

喜歡這篇嗎？快分享吧！

前一頁 後一頁