順滑無痕 Bandit 9 Project Odyssey*

如果之前介紹過由越南改裝公司Bandit 9出嘅「Dark Side」都唔能夠令你信服佢哋嘅技術，咁佢哋最新推出嘅「Project Odyssey」就絕對會令你啞口無言。唔信？睇睇圖先。

Project Odyssey最搶眼嘅就係車身，全車幾乎無任何稜角，亦冇多餘裝飾，有嘅只係一個滑不溜手，擁有性感曲線嘅鋼製車身，簡約之餘又有未來感。但同時又著重細節，除咗用上Borrani軚鈴、Marzocchi前叉、Beringer Aerotec製動同意大利真皮記憶座椅之外，LED尾燈及指揮燈就藏於車身後方，油缸位置仲隱藏咗個OLED顯示屏，可以顯示車輛狀況、導航等資訊。動力方面可以揀1400cc V-Twin汽油引擎，或者電動摩打。最重要係佢唔係啲咩車廠、藝術家對於未來嘅幻想，而係真真正正接受訂單嘅產品！據知一台Project Odyssey大約賣44000USD，即係34萬HKD左右，貴就肯定係貴，但係值！Bandit 9

喜歡這篇嗎？快分享吧！

前一頁 後一頁