車Cam耳機一「盔」搞掂 PLY智能頭盔*

比起揸車，電單車有佢嘅方便，又有佢嘅不便——例如戴頭盔會整亂你個頭、聽歌導航要另外裝藍芽、車Cam又要另外裝等等。不過喺Kickstarter上集資緊嘅「PLY」智能頭盔就可以解決你以上問題，除咗整亂個頭之外。


PLY其實係一個內置藍芽耳機、高清車Cam嘅智能頭盔。藍芽耳機帶有自動降噪功能，就算行駛中都可以保持話音清昕，只要接駁電話就可以聽歌、聽導航同接聽電話，而且操作簡單，戴住手套都可以輕鬆搞掂。而高清車Cam有120度廣闊顯示角，可以錄1280x720、30fps嘅行車片段，因為頭盔自帶GPS嘅關係，錄影片段仲有埋GPS、時間日期、速度等資訊，仲可以即時於琉電話上翻看。除咗等你記得自己去過邊，萬一遇到啲咩意外時都可以作為證據，喺香港黎講就尤其好用啦。


以上所有功能都係由內置嘅2800mAh充電鋰電池推動，叉一次大概可以用4個鐘(音樂錄影同時時進行)，日常生活黎講應該都夠哂。售價方面，最平嘅早鳥價係449USD，即大約3510HKD左右。預計2018年4月出貨。
最後提提大家眾籌有一定風險，考慮清楚先好落單呀。
Kickstarter

喜歡這篇嗎？快分享吧！

前一頁 後一頁