可裝於任何頭盔 NUVIZ電單車Heads Up Display*

隨住汽車科技發展，電單車頭盔亦慢慢步向智能化，市面上越黎越多包含不同功能嘅智能頭盔面世，你或者都心郁郁想換返個。但可能你明明已經有個靚仔頭盔，冇啦啦又要畀錢買多個返黎好似好唔抵呀可？唔緊要，NUVIZ就話你知，你其實可以淨係買「智能」嗰部份返黎架。


NUVIZ係一個能夠安裝於普通頭盔上嘅Head-up display(抬頭顯示)，以藍芽連接電話之後，能顯示導航、車速、天氣等資訊，以及操作音樂播放、通話。由於唔需要擰頭，只需要轉一轉個眼珠就能讀取資訊，比起你直接裝部電話上部車到更為方便，亦減少分心。附帶嘅控制器亦可以裝於手把附近，咁就可以「手不離把」地以拇指控制，更為安全。另外NUVIZ仲有攝碌鏡頭，唔單止可以當車Cam用，更加可以直接影相。<iframe src="https://player.vimeo.com/video/223851034" width="640" height="360" frameborder="0" webkitallowfullscreen mozallowfullscreen allowfullscreen></iframe>換言之只要有NUVIZ，你就可以將自己平時用開嘅「愛盔」變成智能頭盔。售價為699USD，即係大約HKD$5500，比起市面上其他智能頭盔黎講都唔算貴。唯一嘅問題係根據佢嘅外型，似乎就一定要裝喺右方下顎位置，換言之你個頭盔必須要係「大頭佛」先裝到。NUVIZ

喜歡這篇嗎？快分享吧！

前一頁 後一頁