衝前去 Babara Custom Triumph E "Black Matter"*

Babara Custom Motorcycle係一間法國嘅設計公司，你睇個名可能會以為佢係幫手改裝電單車，但其實只係啱咗一半。佢本業係幫人畫電單車設計圖，即係你想改裝架電單車、轉隻色、換塊沙板，但又唔知點襯先係最好，就可以換佢幫你手用電腦「Ren」張成品出黎，睇清楚先拍板去馬。另一邊廂，佢有時亦會有自己嘅設計，例如呢架「Triumph E "Black Matter"」就係其中之一啦。雖然冠上「Triumph」之名，但呢部Black Matter其實係一部全新概念車，貌似單懸臂(因為睇唔到另外一邊)連結前後輪，之上就係與之平行、Babara Custom一貫似無還有嘅座位，而排氣就安放於坐位之下、整架車嘅中心位置。由於整架車都係微微向前斜，坐姿相當低，所以就咁放喺到都相當有速度感。作為一個概念設計，當然就唔好旨意佢會有咩實際數字，亦唔太可能會真正面世；但睇車同睇女一樣，有時睇圖已經夠開心啦。Babara Custom Motorcycle on Facebook

喜歡這篇嗎？快分享吧！

前一頁 後一頁