繼賽車「人字拖」新造型，再換埋Logo之後，上星期Formula 1老闆宣佈2018年賽季會取消埋Grid Girls，即係一班企喺賽車旁舉牌嘅囡囡，賽車迷無不表示痛心疾首，始終睇賽車都慣睇埋賽車女郎嘛。冇囡囡，咁啲牌邊個舉？官方公佈會搵Grid Kids幫手，咁個牌會唔會矮啲？咁咪睇唔清楚？不過小朋友們都唔係普通仔女，而係會喺賽場當地嘅賽車會入面揀選，即係有玩小型賽車嘅小車手，官方就話咁樣有助推動更多小朋友喺賽車方面發展。F1嘅managing director Sean Bratches話：「試諗吓啲小朋友可以企喺佢哋心目中嘅英雄隔籬係幾咁難忘？對佢哋或者佢哋家人都係一個難得嘅經驗，呢個係最好嘅方法，令佢哋準備成為下一代F1車手。」FIA總裁Jean Todt亦都同意：「F1係好多小朋友嘅夢想，由玩kart仔去到F1，係有可能實現嘅。」囡囡再見！小朋友接棒
繼賽車「人字拖」新造型，再換埋Logo之後，上星期Formula 1老闆宣佈2018年賽季會取消埋Grid Girls，即係一班企喺賽車旁舉牌嘅囡囡，賽車迷無不表示痛心疾首，始終睇賽車都慣睇埋賽車女郎嘛。冇囡囡，咁啲牌邊個舉？官方公佈會搵Grid Kids幫手，咁個牌會唔會矮啲？咁咪睇唔清楚？
不過小朋友們都唔係普通仔女，而係會喺賽場當地嘅賽車會入面揀選，即係有玩小型賽車嘅小車手，官方就話咁樣有助推動更多小朋友喺賽車方面發展。F1嘅managing director Sean Bratches話：「試諗吓啲小朋友可以企喺佢哋心目中嘅英雄隔籬係幾咁難忘？對佢哋或者佢哋家人都係一個難得嘅經驗，呢個係最好嘅方法，令佢哋準備成為下一代F1車手。」FIA總裁Jean Todt亦都同意：「F1係好多小朋友嘅夢想，由玩kart仔去到F1，係有可能實現嘅。」囡囡再見！
小朋友接棒
